मानो बिल्ली आई

                              मानो बिल्ली आई!!! 

आई आई आई 

मानो बिल्ली आई

उप्परा छत्ती टप्पियै

साढे़ घर आई... 

खाई खाई खाई

दुद्ध मलाई खाई

बूहे पिच्छे छप्पियै

सुआद लाई लाई खाई.... 

लेआई लेआई लेआई

चूहेगी दुम्बै दा फडियै लेइ आई

बाकी चूहे नस्सी गे

इक दी शामत आई.... 

आई आई आई 

मानो बिल्ली आई

उप्परा छत्ती टप्पियै

साढे़ घर आई... 

Jammu Di Chidi

जम्मू दी चिड़ी !

उड़दी उड़दी आई चिड़ी 

पुज्जी जम्मू शैह् र

खांड मिट्ठे लोग इत्थै 

ना झगड़ा ना बैर,

तवी जाइयै पानी पीता

धोते हत्थ पैर 

बाह्वे जाइये मत्था टेकेआ

प्रशादै आह्ली बर्फी लग्गी बड़ी शैल !

दिक्खऐया बाहु फोर्ट दा बाग बगीचा

 ते उत्थु दी चैह्ल पैह्ल 

राजे दे अमर मैह्ल दी 

बक्खरी ऐ डैह्ल, 

मैटाडोर दी कीत्ती सुआरी 

पुज्जी रघुनाथ बजार 

जम्मू दी मश्हूर चीजां 

लब्दियां उत्ह्थे हज़ार !

ढक्की चढ़ियै गई उप्पर 

खादा कचालू  चाट 

फ्ही राजा रानी दे मैह्ल दी 

दिक्खी उलै  ठाठ,

मंदरे आह्ला  शैह्र घुमी फिरियै 

पुज्जी गेई चन्हॎऻ 

 ठंडी ठंडी ब्हा उत्ह्थूं दी, 

उत्ह्थूं दे नज़ारे लगे लाजवाब !

आहखदी में इत्हथुं दी चिड़ी इत्हथे गै रोैह्ना 

जम्मूआं बाहर जाइऐ मिगी कक्ख नी थोैह्ना !

                                           -जम्मू दी चिड़ी - हिना महाजन 

शुक्रिया 

रेल गड्डी आई

 

 

                                 रेल गड्डी आई।।।।। 

छुक छुक करदी आई

रेल गड्डी आई

छुक छुक करदी

छुक छुक करदी

छुक छुक करदी आई

पैह्ले सिटी बजाई

फिर लैटां चमकाई

फ्ही स्टेशन मास्टरै

लाल झंडी ल्हाई

तवी स्टेशन पूज्जियै

ब्रेक इ' न्नै लाई

छुक छुक करदी आई

रेल गड्डी आई

छुक छुक करदी

छुक छुक करदी

छुक छुक करदी आई

अपने डब्बे च भरियै

मतियां सुआरिया लेई आई

लोके गी जम्मू दी 

इ' न्नै शैल सैर कराई

तवी स्टेशन पूज्जियै

ब्रेक इ' न्नै लाई

छुक छुक करदी आई

रेल गड्डी आई

छुक छुक करदी

छुक छुक करदी

छुक छुक करदी आई